23-24 aprel kunlari Toshkent shahridagi yetakchi ta’lim muassasalari o‘rtasida “The World scholar's cup”  bo‘lib o‘tdi. Talabalar bir nechta tanlovlarda, jumladan, bahs-munozaralar, hamkorlikda yozish, “Scholar’s challenge” va “Scholar’s bowl”da bellashdilar. TXVU akademik litseyi o’quvchilari o'zlarining tanqidiy va mantiqiy fikrlash, notiqlik qobiliyatlarini namoyish etdilar va bellashuvda o'nlab medal va kuboklarni qo'lga kiritdilar.

TXVU akademik litseyi o’quvchilari 6-Toshkent xalqaro marafonida faol ishtirok etishdi.

19-aprel kuni TXVU akademik litseyida Zoom platformasi orqali Yaponiya va Mo’g’uliston davlatlaridagi hamkor maktablar uchun ochiq dars tashkillashtirildi. Bu ochiq darsda litsey o’quvchilari mamlakatimizda Navro’zi olam qanday nishonlanishi haqida ma’lumot berdilar. Ochiq dars hamkorlarimizda shunday katta qiziqish uygotdiki, mo’g’ulistonlik o’quvchilar hatto “Kim oladiyo, shuginaniyo?” milliy o‘yinini o‘zlari ham o‘ynab ko‘rdilar.

16-aprel kuni TXVU akademik litseyida 1-kurslar o’rtasida Grammar Quiz o’tkazildi. O’quvchilar kichik guruhlar tashkillashtirib ingliz tili grammatikasi bo’yicha bellashdilar. 1Rug4 guruhi bellashuv g’olibiga aylandi.

13 aprel kuni TXVU akademik litseyida an’anaviy bahor va yangilanish bayrami bo’lgan Navro’zi Olam katta tantana va xursandchilik bilan nishonlandi. Litsey o’quvchilari turli millat raqs va urf-odatlarini namoyish etdilar hamda chiroyli bayramona dasturxon bezatdilar.

8-9-aprel kunlari CIC va TXVU akademik litseyi o’quvchilari o’rtasida yillik an’anaviy debat bo’lib o’tdi. Har ikkala o’quv muassasidan jami 4ta jamoa ikki kun davomida bellashdilar va bizning o’quvchilarimiz g’oliblikni qo’lga kiritdilar. Ularni bu yutuq bilan tabriklagan holda keyingi musobaqalarga omad tilab qolamiz.

9 - aprel Amir Temur tavalludining 688 yilligi arafasida TXVU akademik litseyida bir qator ma’rifiy tadbirlar amalga oshirildi. Buyuk sarkarda hayoti va faoliyatiga oid tashkil etilgan viktorinada 11 jamoa kuch sinashdi; Ma’naviyat soatlarida o‘quvchilar Temuriylar tarixi Davlat muzeyiga tashrif buyurdilar.

Rassom Rustam Bazarovning “Xammasi buladi Ok!” shaxsiy ko‘rgazmasi. Toshkent Fotosuratlar uyida ochildi va  birinchi kurs o’quvchilari o'qituvchilari bilan birgalikda ushbu ko'rgazmaga tashrif buyurishdi. Aytish kerakki, Rustam Bazarov shahar va uning fuqarolari hayotini tasvirlagan  birinchi va yagona rassomdir. Uning rasmlarida shahar aholisini juda tanish manzillarda uchratsa bo’ladi - Gagarin ko'chasida, Chorsu bozorida, Brodveyda, ko'rgazma ochilishida.

4

Bu hafta TXVU Akademik litseyida yana bir bor barchaning sevimli o'yini - Quizium bo'lib o'tdi. Bu safar ishtirokchilar Marvel va DC super qahramonlariga oid qiziqarli savollar bo’yicha bellashdilar. Ushbu o’yinda qatnashish uchun ishtirokchilar to’lov amalga oshirdilar va to’plangan mablag’ga  kam ta’minlangan oilalar uchun Ramazon tuxfasi  sifatida ozik -ovqat to’plamlari xarid qilindi.