2022-yil 20- may kuni TXVU AL o‘quvchilari va ustozlar Alisher Navoiy nomidagi O‘zbekiston Milliy bog‘ida barpo etilgan Adiblar xiyoboniga tashrif buyurdilar.
«Adabiyot xalqning yuragi, elning ma’naviyatini ko‘rsatadi. Bugungi murakkab zamonda odamlar qalbiga yo‘l topish, ularni ezgu maqsadlarga ilhomlantirishda adabiyotning ta’sirchan kuchidan foydalanish kerak. Ajdodlar merosini o‘rganish, buyuk madaniyatimizga munosib buyuk adabiyot yaratish uchun hamma sharoitlarni yaratamiz», — degan edi Shavkat Mirziyoyev.

Adiblar xiyobonini g‘oyaviy-badiiy jihatdan yanada boyitish maqsadida Bobur, Ogahiy, Berdaq, Muqimiy, Furqat, Behbudiy, Avloniy, Cho‘lpon, Qodiriy, To‘lepbergen Qayipbergenov, Ibroyim Yusupov, Aleksandr Faynberg singari atoqli namoyandalar xotirasiga bag‘ishlangan yangi yodgorlik majmualari ham yaratilgan.

Alisher Navoiy haykali atrofida 20 dan ziyod atoqli shoir va adiblarning haykallari yaxlit me’moriy va badiiy kompozisiyada, mantiqiy yechim asosida joylashtirilgan bo‘lib,  2017-yilda tashkil etilgan bu majmua o‘quvchilarda katta taassurot qoldirdi.

2022-yil 18-may kuni  Xalqaro oila kuniga bag‘ishlangan “Otam, Onam va Men” sport musobaqasi bo‘lib o‘tdi.
Musobaqada 1-bosqich guruhlarining 9 ta komandasi ishtirok etdi. Komandada o‘quvchilarning oila a’zolari, guruh rahbarlari va ma’muriyat ishtirok etdilar.

7 ta qiziqarli musobaqalardan iborat estafetada xayajon va taassurotlarga boy bellashuv bo‘lib o‘tdi.

1 – o‘rin 1 RUG3 guruhi

2 –  o‘rin 3 ta guruh: 1 UZG1, 1 RUG7, 1 RUG 5

3 – o‘rin 1 RUG 2

Bu kabi musobaqalar litsey va ota-onalar, o‘quvchilar va o‘qituvchilar orasidagi munosabatlarni yaxshilashga, sportni oiladan boshlab ommalashtirishga katta yordam beradi.

9 may – Xotira va qadrlash kuni  munosabati bilan aziz yurtdoshlarimizni tabriklaymiz! Yurtimiz tinch, osmonimiz musaffo, mustaqilligimiz abadiy bo‘lsin aziz Vatandoshlar!

Yakuniy natijalarga ko‘ra 4 nafar eng yuqori natijalarni qo‘lga kiritgan o‘quvchilar terma jamoa tarkibiga kiritildi. Terma jamoamizga ulkan zafarlar tilab qolamiz!!! 

Terma jamoa tarkibi bilan tanishing:
1. Xo'jayev Dilshod Zafarovich - Toshkent shahar, Olmazor tumanidagi AFIDUM 10-sinf o‘quvchisi;
2. Kim Svyatoslav Sergeyevich - Toshkent shahar, Xalqaro Westminster universiteti akademik litseyi 2-bosqich o‘quvchisi;
3. Mansuraliyev Xusanboy Murotali o'g'li - Namangan viloyati, Prezident maktabi 9-sinf o‘quvchisi;
4. Valijonov Dilyor Dilshodbek o'g'li - Andijon viloyati, Prezident maktabi 10-sinf o‘quvchisi;

Xotira va qadrlash – xalqimizning asriy qadriyatlari, ulug‘ fazilatlaridan. El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardog‘idadir. Ana shunday mardlik va jasorat namunasini ko‘rsatganlarga, jang maydonlarida jonini fido qilgan bobolarimiz, sabr-bardosh bilan katta qiyinchiliklarni yengib o‘tgan nuroniy momolarimizni sharaflash, xotirasini abadiylashtirish, ularga g‘amxo‘rlik va e’tibor ko‘rsatish mustaqillik yillarida yangicha ma’no-mazmun bilan boyidi.
Bu jihatlar yurtimizda keng nishonlanayotgan Xotira va qadrlash kuniga bag‘ishlangan tadbirlarda, ona diyorimizni, xalqimizning ozodlik va istiqlolini, erkin va farovon hayotini mardlik va shijoat bilan himoya qilgan fidoyi yurtdoshlarimizga ko‘rsatilayotgan g‘amxo‘rlik, hurmat-ehtiromda yanada yaqqol namoyon bo‘lmoqda.

Shu munosabat bilan Toshkent Xalqaro Vestminster Universiteti akademik litseyida ham “Xotira abadiy – qadr muqaddas” nomli tadbir bo‘lib o‘tdi. Tadbirga xalqimiz ardog‘idagi, O‘zbekistonda xizmat ko‘rsatgan xalq artistlari Dilorom Karimova hamda Tohir Saidovlar  tashrif buyurishdi. Urush suratlarini o‘zida aks ettirgan “Ilhaq” filmi qahramonlari bilan uchrashuv davomida filmdan kichik sahna ko‘rinishlari, badiiy chiqishlar namoyish etildi.

“Ilhaq” filmi bosh rol ijrochisi Dilorom Karimova va Tohir Saidov bilan bo‘lib o‘tgan jonli suhbat  o‘quvchilarda o‘zgacha taassurot qoldirdi. Tadbir davomida yangragan kuy-qo‘shiqlar, sahna ko‘rinishlar va badiiy chiqishlar tadbir ishtirokchilariga ko‘tarinki kayfiyat baxsh etdi.

        Mazkur xalqaro olimpiada 2005-yildan boshlab, har yili Qozog‘istonning Olma-ota shahridagi fizika-matematika milliy maktabida o‘tkazilib kelinmoqda va joriy yil Mongoliya, Ruminiya, Rossiya, Tojikiston, Ukraina, Armaniston, Ozarbayjon, Belorus, Bolgariya, Gruziya, Hindiston, Eron, Qirg'iziston, Norvegiya, Serbiya, Turkmaniston, Vetman, Turkiya kabi dunyoning 20 dan ortiq davlatidan 1200 nafar o‘quvchilar xalqaro olimpiadada ishtirok etishlari kutilmoqda.

   Bu yil 19-Xalqaro Jautikov olimpiadasi 2-3 fevral kunlari bo’lib o’tadi. Mazkur xalqaro olimpiadada ishtirok etish uchun mamlakatimizdan jami 95 nafar o’quvchilar ro’yxatdan o’tgan.