3-aprel kuni TXVU Akademik litseyida navbatdagi tennis turniri  bo`lib o`tdi. Musobaqada 1 va 2-kurs o`quvchilari faol qatnashdilar va eng yaxshi o`yinchilar turnir g`olibiga aylandilar.

Toshkent Xalqaro Vestminster Universiteti Akademik Litseyida iqtidorli o‘quvchilarning an’anaviy Miss va Mister Vestminster tanlovi bo‘lib o‘tdi. Rang- barang chiqishlar, kutilmagan shartlar, jozibali raqslar, ishtirokchilar tomonidan tayyorlangan videolavhalar barcha tomoshabinlarda unutilmas taassurotlar qoldirdi.
2024- yil Miss va Mister Vestminster unvoniga haqli ravishda 1 RuG1 guruhi juftligi Maftuna va Xojiakbar ega bo‘ldilar.

Ramazon - sahovat va ezgulik oyi. Har yili bu oyda Toshkent Xalqaro Vestminster Universiteti Akademik Litseyi o‘quvchilari o‘zlari tayyorlagan shirinliklarni sotib, yig‘ilgan  mablag‘lardan kam ta’minlangan oilalarga ehson ulashadilar. Shunday tadbirlardan biri 27 Mart kuni bo‘lib o‘tdi.

22 февраль куни рус тили ва адабиёти фани ҳафталигида ажойиб тадбирлар ташкил этилди. Миллий урф-одатлар, миллий дастурхон  ва шўх рақсларни намойиш этган рус ярмаркаси  ва энг олий туйғу - Севгини мадҳ этувчи адабий кеча барча ўқувчилар, устозлар ва меҳмонларда катта таассурот қолдирди.

20 февраль куни 1РУГ4 гуруҳида "Атом одатлар, уларнинг ҳаётимиздаги ўрни" мавзусида очиқ Маънавият соати бўлиб ўтди.

16 fevral kuni “Ma’naviyat haftaligi” ni munosib yakunlagan “WEST GOT TALENT” tanlovi tashkil etildi va o’quvchilar ijrosida zamonaviy, milliy, klassik qo‘shiqlar mahorat bilan kuylandi,  fortepiano, gitara cholg‘u asboblarida ohanglar ijro etildi. Raqsda bellashganlar ham o‘z chiqishlari bilan muxlislarni mamnun qildilar. Bu yilgi ko‘rik-tanlovning farqi shu bo‘ldiki, unda nafaqat qo‘shiq, kuy va raqslar, balki badiiy asarlardan parchalar, she’rlar ijro etildi.  Tanlovdan so‘ng onlayn ovoz berish yo‘li bilan g‘oliblar aniqlandi.

2024 – yil 15- fevral kuni TXVU AL da aynan shunday tahdidlardan yoshlarni himoya qilish, ularda ma’naviy immunitetni mustahkamlash maqsadida “Yoshlar tarbiyasida ijtimoiy tarmoqlarning ahamiyati”, “Yosh avlod kimdan o‘rnak olyapti?” mavzularida suhbat tashkil etildi. Suhbatda O‘zbekiston Respublikasi Vazirlar Mahkamasi huzuridagi din ishlari bo‘yicha qo‘mita bosh mutaxassisi Z.S.Sultonov, TXVU prorektori F.Karimov, TXVU ning yoshlar masalalari bo‘yicha rektor maslahatchisi R.Mansurboyevlar ishtirok etdilar.

13-февраль куни Алишер Навоий ва Захириддин Бобур таваллуд топган кунга бағишланган "Назм ва наво" кечасида навоийшунос олималар иштирок этиб, алломалар ҳаети ва ижодига оид қизиқарли маълумотлар билан ўртоқлашдилар. Турли саҳна кўринишлари, ғазал ва рубоийлар, қўшиқ ва рақслар кечага миллий рух ва байрамона кайфият бағишлади.

Анъанавий Маънавият ҳафталиги Мухаммад Юсуфнинг "Қора қуёш" драмаси намойиши билан бошланди. ТХВУ АЛ саҳнасида Санъат ва маданият институти талабаларининг "Нурли келажак" театр- студияси актерлари маҳорат билан ролларни ижро этдилар.