Assalomu alaykum, hurmatli ota-onalar va oʻquvchilar!

Registratsiyadan muvaffaqiyatli oʻtgan va javob xati yuborilgan oʻquvchilar diqqatiga: 23.11.2022 sanasida soat 13:00da akademik litsey hududiga formada kelishingiz soʻraladi.
Imtihon vaqti: 13:30dan 16:30 ga qadar.
Oʻzingiz bilan quyidagi narsa-buyumlarni olib kelishingiz lozim: shaxsingizni tasdiqlovchi hujjat-guvohnoma, qalam, ruchka, sirkul, oʻchirgʻich, chizgʻich.
Qoʻshimcha maʼlumot: imtihonga kech qolgan yoki shaxsni tasdiqlovchi hujjat mavjud boʻlmagan hollarda oʻquvchi imtihonga kiritilmaydi.

Manzil: Toshkent shahri, Mirobod tumani, Shahrisabz ko‘chasi, 25
Murojaat uchun: (71) 238 74 99

2022-yil 18-noyabr kuni TXVU akademik litseyida Prezidentimizning 5ta muhim tashabbusi ijrosini ta’minlash hamda o‘quvchilarning bo‘sh vaqtlarini mazmunli tashkil etish maqsadida “Job festival” o‘tkazildi. Festivalda guruhlarga turli davlatlar bo‘lib berildi va u davlatlardagi rivojlangan sohalar, kasblar o‘rganib chiqilib, turli sahna ko‘rinishlari va video-roliklar orqali tomoshabinlarga havola etildi.
Bitiruvchi akademik litseyi o‘quvchilari uchun ushbu festivallar ayni muddao, chunki ular o‘quv yili oxiriga qadar kelajakda kim bo‘lishlari va qay kasb vakili bo‘lib faoliyat yurutishlari haqida o‘ylab olishlari, tanlab olishlari kerak bo‘ladi. Shuningdek, tanlab olingan davlatlarning mashhur kino va qo‘shiqlaridan ijodiy chiqishlar namoyish etildi. Bu esa, tadbir ishtirokchilari va tomoshabinlariga ko‘tarinki kayfiyat  bag‘ishladi.

2022-yil 11-12 noyabrda off-layn va on-layn shaklda ommaviy axborot vositalari (keyingi matnda – OAV) vakillari uchun “Tamakisiz kelajak sari!” seminar- mashg‘ulot o‘tkazildi.
Seminar-mashg‘ulotning maqsadi OAVlari vakillarini tamaki mahsulotlarining tarqatilishini va iste’mol qilinishini cheklash sohasidagi O‘zbekiston qonunchiligini takomillashtirish, xalqaro tajriba bilan tanishish, qaror qabul qiluvchi shaxslar bilan birgalikda ushbu masalalarni muhokama qilish hamda dolzarb masalalarni ommaviy axborot vositalarida yoritishda iborat bo‘ldi. Seminar-mashg‘ulot O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi tomonidan moliyalashtirilayotgan «Ibn Sino» jamoat fondining «Tamakisiz kelajak sari!» loyihasini amalga oshirish doirasida O‘zbekiston jurnalistlarini qayta tayyorlash markazi, Sog‘liqni saqlash vazirligining Aholining sog‘lom turmush tarzi va jismoniy faolligini oshirishni qo‘llab-quvvatlash markazi, Jahon sog‘liqni saqlash tashkiloti bilan hamkorlikda tashkil etildi.Tadbirda jurnalistlar, muxbirlar, blogerlar ishtirok etdilar.

Jahon sog‘liqni saqlash tashkiloti ma’lumotlariga ko‘ra, tamaki har yili butun dunyoda 8 milliondan ortiq kishini o‘ldiradi. Ushbu o‘lim hollarining 7 milliondan ortig‘i tamakini bevosita iste’mol qilish oqibati bo‘lsa, 1,2 millionga yaqini – bu ikkilamchi tamaki tutuni ta’sirida bo‘lgan chekmaydigan odamlardir.
Seminar-mashg‘ulot yakunida O‘zbekiston jurnalistlari va blogerlarining «Tamakisiz kelajak sari!» mavzusi bo‘yicha ijodiy ishlari tanlovining yakuniy qismi – tanlov g‘oliblari e’lon qilinib, ularga sovg‘alar topshiriladi.Shuningdek, yoshlar tomonidan yaratilgan eng yaxshi axborot materiallar turkumi g‘oliblari e’lon qilindi va sovg‘alar topshirildi.

O'zbekiston stol tennis federatsiyasi, O'zbekiston talabalar sporti assotsiatsiyasi Toshkent shahar mintaqaviy bo'limi hamda Toshkent shahar davlat soliq boshqarmasi hamkorlikda poytaxtimizda joylashgan akademik litsey talabalari o'rtasida sportning stol tennisi bo'yicha musobaqa tashkil etildi. Ushbu turnir O'zbekiston davlat jahon tillari universiteti qoshidagi akademik litseyda bo'lib o'tdi.

Mazkur musobaqada jami 25 ta akademik litsey va professional ta'lim tizimida tahsil olayotgan o'quvchi-yoshlar o'z omadlarini sinab ko'rishdi. TXVU ALdan G'ulomova Samira va Saydullaeva Moxichehra 2-o'rinni egallashdi.  G'olib va sovrindorlar Toshkent shahar davlat soliq boshqarmasi tomonidan diplom va esdalik sovg'alari bilan taqdirlandi. 

Ushbu musobaqalar yoshlar o'rtasida ommaviy sportni rivojlantirish va ertamiz egalarini har tomonlama sog'lom va barkamol bo'lib voyaga yetishlariga xizmat qilmoqda.

2022-yil 8-noyabr kuni TXVU akademik liseyi 1RuG1, 1 RuG7. 1Rug5 guruhlarida  Oliy va o‘rta-maxsus ta’lim vazirligi hamda O‘zbekiston Yoshlar Ittifoqi Markaziy Kengashi tomonidan tasdiqlangan “Oliy va o‘rta-maxsus ta’lim vazirligi tizimida 2019-yilda  yoshlarga oid Davlat siyosatini amalga oshirish bo‘yicha chora-tadbirlar dasturi” ning 28-bandi ijrosini ta’minlash maqsadida Ichki ishlar vazirligi bilan hamkorlikda “Yoshlar orasida xuquqbuzarlik va jinoyatchilikning oldini olish. Psixotrop va narkotik moddalarning salbiy ta’siri” mavzularida profilaktik suhbat tashkil etildi.

Suhbatga Mirobod tumani 2- son IIB XPB  yoshlar masalalari buyicha profilaktika katta inspektori mayor Nabirayeva V.M va milliy gvardiya ofitser – psixologi Sobirjonova K.T ishtirok etdi.
Voyaga yetmaganlar orasida sodir etilayotgan jinoyatlar soni va turi, ushbu xolatlarda belgilanayetgan jazo turlari va muddatlari, jinoyatga qanday holatlar  sabab bo‘layotgani haqida batafsil ma’lumot berildi.
Ofitser - psixolog Sobirjanova K.T tomonidan interaktiv usulda emosional zo‘riqishning oldini olishga qaratilgan trening tashkil etildi.

31-oktabr dushanba kuni TXVU ALda shirinliklar xayriya yarmarkasi bo'lib o'tdi, unda litseyimiz o'quvchilari va School of Volunteers tashkiloti ishtirok etdi.

Birlashgan Millatlar Tashkiloti jahonda tinchlik va xavfsizlikni qo‘llab-quvvatlash, barqaror ijtimoiy-iqtisodiy rivojlanishni ta’minlash va ekologik muammolarni hal etish bo‘yicha yagona universal tuzilma bo‘lib qolmoqda. Bugungi kunda birorta mamlakat o‘zi yolg‘iz hal eta olmagan, global muammolar aynan BMT doirasida hal qilinmoqda.
O‘zbekiston Respublikasi bundan 29 yil avval – 1992-yil 2-martda BMTga a’zo bo‘lgan edi. Shundan buyon mamlakatimiz ushbu nufuzli tuzilmaning deyarli barcha tadbirlarida faol ishtirok etib kelmoqda.

So‘nggi yillarda O‘zbekistonning BMT bilan hamkorligi yangi bosqichga ko‘tarildi. Davlatimiz rahbari o‘z nutqlarida jahon hamjamiyati e’tiborini sayyoramiz aholisi uchun o‘ta muhim masalalarga qaratdi, bu borada qator muhim takliflarni ilgari surdi. Mazkur takliflar hayotiyligi va o‘ta dolzarbligi bilan xalqaro hamjamiyatning e’tirofiga sazovor bo‘lmoqda.
Bugun dunyo hamjamiyati O‘zbekiston timsolida nafaqat mintaqada, balki xalqaro maydonda kun tartibini belgilab beruvchi faol ishtirokchini ko‘rmoqda.

Shunday xamkorlik tadbirlaridan biri 2022-yil 21-oktabr kuni TXVU hududida bo‘lib o‘tdi. San’at institutlari, TXVU talabalari va TXVU AL iqtidorli talaba-o‘quvchilarining dunyodagi ekologik muammolarni, insoniylik munosabatlari, tinchlik barqarorligi muhimligi mavzulariga bag‘ishlangan suratlari ko‘rgazmasi tashkil etildi. Tashkiliy qo‘mita e’tiboriga havola etilgan ko‘plab asarlar orasidan akademik litsey o‘quvchisi O‘ktamova Sadoqatxonning ishlari ham tanlab olindi.