O‘zbekiston Respublikasi Prezidentining “O‘qituvchi va murabbiylar kuni munosabati bilan ta’lim va tarbiya sohasida alohida xizmat ko‘rsatgan bir guruh xodimlarni mukofotlash to‘g‘risida”gi farmoniga asosan bayram arafasida Ismoilova Shoira Po‘latovna, TXVU akademik litseyi informatika fani oʻqituvchisi II darajali “Sogʻlom avlod uchun” ordeni bilan taqdirlandi. Shuningdek, TXVU rektori nomidan tashakkurnoma va kitoblar sovg‘a sifatida taqdim etildi.

TXVU AL jamoasi nomidan Ismailova Shoira Pulatovnani chin yurakdan tabriklaymiz! Mashaqqatli va sharafli mehnatingizni yuksak baholagan holda, sizga sog'lik, baxt-saodat, ezgu ishlaringizda ulkan muvaffaqiyatlar, xonadoningizga fayzu baraka va to'kinlik tilaymiz!