2026-yil 27-oktabr kuni Toshkent shahridagi Xalqaro Vestminster universiteti qoshidagi Akademik litsey (TXVUAL) o‘quvchilari Muhammad al-Xorazmiy nomidagi ixtisoslashtirilgan maktabda bo‘lib o‘tgan Silk Road University Fair — 2026 xalqaro universitetlar yarmarkasida ishtirok etdilar. Tadbir O‘zbekiston kollej maslahatchilari jamiyati (CCNU) tomonidan tashkil etildi.
O‘quvchilar 42 ta xalqaro universitet vakillari hamda «El-yurt umidi» jamg‘armasi vakillari bilan uchrashib, universitetlarga qabul jarayonlari, ta’lim dasturlari va stipendiya imkoniyatlari haqida ma’lumot oldilar. Shuningdek, kelajakdagi ta’lim olish rejalari uchun foydali aloqalar o‘rnatdilar.
