Akademik Litseyga O’zbekiston Respublikasi fuqarolari konkurs asosida qabul qilinadilar. Akademik Litseyga hujjat topshirmoqchi bo’lgan o’quvchilar quyidagi talablarga to’g’ri kelishlari lozim:

- Litseyga faqat joriy o’quv yilida 9-sinfni bitirayotgan o’quvchilar hujjat topshirishlari mumkin. Ayni paytda boshqa akademik litsey yoki kasb-hunar kollejida tahsil olayotgan talabalardan hujjatlar qabul qilinmaydi.

- Litseyda ta’lim olmoqchi bo’lgan o’quvchilar TXVU qoshidagi Akademik Litsey ingliz tili kirish imtihonidan muvaffaqiyatli o’tishlari lozim. Ingliz tili imtihoni ingliz tili grammatikasi, so’z boyligi va o’qilgan matnni tushunish bo’yicha savollarni hamda yozma qismni (insho) o’z ichiga oladi. Ingliz tili kirish imtihoni savollari namunalari bilan tanishish uchun bu yerga bosing.

- Litseyda ta’lim olmoqchi bo’lgan o’quvchilar TXVU qoshidagi Akademik Litsey matematika kirish imtihonidan muvaffaqiyatli o’tishlari lozim. Matematika matematika (algebra va geometriya) hamda mantiq bo’yicha savollarni o’z ichiga oladi. Matematika kirish imtihoni savollari namunalari bilan tanishish uchun bu yerga bosing.

Kirish imtihonidagi umumiy balning 60 %ini ingliz tili imtihoni natijalari va 40%ini matematika imtihoni natijalari tashkil qiladi.