29 Nov

          2017 йил 27 ноябрь куни ТХВУ ҳузуридаги академик лицейда “Ўзбекистон қизлари терроризмга қарши” мавзусида тадбир ташкил этилди. Тадбир ўз сафида кўп сонли аудиторияни жамлаб, турли кўринишдаги қизиқарли шартлари билан иштирокчиларда катта таассурот қолдирди.

          Қизлар махсус тайёрланган флаерларда Ватанимиздаги хозирги фаровон турмушимиз ва дунёнинг баъзи жойларида юз бераётган террористик ҳаракатлар, улар натижасида халок бўлган бегунох инсонлар тақдири, вайроналиклар ва вахшийликлар ҳақида сўзлаб, икки хил дунёни таққослаб бердилар.

          “Биз террроизмга, наркотикларга, одам савдосига қаршимиз” мавзусида ташкил этилган викториналар эса лицей ўқувчилари ушбу мавзуларга бефарқ эмасликлари, оила ва жамиятдаги бутун фаолиятлари билан Ватанимизда тинчлик барқарор бўлиши, унинг гуллаб-яшнаши учун барча имкониятлардан фойдаланишлари, соғлом турмушга амал қилишлари ҳақида далолат берди.

Girls against terror 2

          Турли бошқотирмалар, пазлларни йиғиш, муаммога ўз фикрини аниқ ва қисқа билдира олиш каби интерфаол ўйинлар иштирокчиларда катта таассурот қолдириб, уларга яна бир бор ТИНЧЛИК – ЭНГ ОЛИЙ НЕЪМАТ эканлиги ҳис қилишларига ёрдам берди.

Leave a Comment